SUMMERTIME!

aloha!

scho lang hani nüt me gschribe.. :)

het au nid viel neus geh i de letschte ziit. ich bi chli es heisse summerwetter am gnüsse und langsam aber sicher en job am sueche! ich freu mich scho sehr zum wieder afange schaffe!

ich denk es beschte isch, weni eifach wieder mol es paar fotene druf tue!
enjoy!

summertime!

aloha

de summer chunt au do in hawaii langsam, aso besser gseit merkt me das jo nur weils eifach wärmer wird und plumeria blume meh und meh füre chömed.
es wetter isch immer sehr schön i letschter ziit, ich cha mich aso nid beklage! :)

mir gohts guet, wie immer und gnüsse es wuchenend!
liebe gruess

happy valentines day!

aloha..

alles liebi für mini liebe dihei! happy valentines day!!

ich bi i letschter ziit sehr viel beschäftigt mit schaffe und so wiiter. so chunt wenigstens chli geld i kasse, damit ich mini miete cha zahle. :) und mis neue zimmer gseht au scho besser us, ha chli bastlet und ghandwerkeret, jo richtig, so sache chani au. :-p
mini mitbewohner sind sehr nett, immer hilfbereit und wens choched, chocheds für mich au grad. phuuu, glück gha! :)

es wetter isch i de letschte paar täg nid so guet gsi. immer chli bewölkt. aber trozdem warm, wens nid regnet.

2 täg i de wuche chani für e familie schaff, mue eifach im hushalt und im büro helfe, oder babysitte. bi immer chli am luege dani no anderi jobs finde als babysitter. isch aber nid ganz so eifach. aber es goht scho. es helfed mir alli chli!
uf jede fall die familie isch sehr nett, gester hemmer no en usflug zämä gmacht is "polynesian culture center". das isch a de northshore und isch no recht intressant. het so informatione und tänz und wa au immer vo verschiedene polynesische inslene wie fiji, samoa, hawaii und so wiiter.
und am obig hets e show mit de verschiedene tänz.

so, das wärs den au wieder. defür gits no paar neui fotene. :)

liebe gruess vo hawaii!
peace&love

Sonnige Grüsse!

liebe leute in der kalten schweiz...

...es isch sehr schön warm do! :) ha bis ez no nie chalt gha, ussert woni in san diego gsi bin a silvester.
dete isches doch recht chüel gsi im gegesatz zu hawaii, aber es isch no gange.
leider bini defür chrank worde, ha e halsentzündig oder was au immer, aber bi hüt im spitol gsi und han en huufe medikament übercho, also wirds bald wieder besser.

ich bi leider nüme so en fliessige fotograf, aber ha ez doch au wieder mol es paar fotene ueglade zum aluege. :)

suscht gits nid viel neus. mitem job hets leider nid klappet, aber han ez öppis anders gfunde, bin recht froh, da heisst ich mue nonid hei cho, hihi. :)

liebe gruess!!
peace&love